اخــلص حبيبـــه

موضوع: اخــلص حبيبـــه الجمعة مارس 23, 2012 2:33 pm

اخلص حبيبه

اخلص حبيبه قابلتك..
اوفى القلوب فى دنيتك..
اللى مش محتاجه منك غير رضاك ومحبتك..
لما اكون روح عايشه بيك..
كلى حب وخوف عليك..
مش بيشغلنى ف حياتى الا إنت ونور عينيك..
ممكن ازعل.. ممكن اغضب
هيه ليله إن كنت اقدر..
بس اول مااهدا افكر..
ألقى حبى ليك بيكبر..
ليه النهارده جاى زعلان من كلامى..
اللى قلته كان كلام إحساس غرامى..
كلمتين مايزعلوش للى يسمع من حبيبه..
بالمحبه مايوجعوش لما يبقوا حنان وطيبه..
يبقى غلطان اللى مره يدى ودنه لناس غريبه..
ناس تعكر ف النفوس نفسهم ف حاجات غريبه..
عمرى مااقصد إنى اضايقك لما اكون أقرب قريبه..
كل همى إنى اقولك.. إن انا.. أخلص حبيبه..

بتحملك وقت الغضب.. وساعات يكون من غير سبب
واقول دا حبك كان نصيبى وعد وعلى جبينى إنكتب..
مابشوفش غيرك ف الوجود..
برضاك عليا أعيش واموت..
انت اللى بتفرّح حياتى.. وانت الربيع وانت الوجود..
أخلص حبيبه عرفتها..
تتعب أوى لو سيبتها..
انا حبى جنه وعشتها..
قلبى وحياتى عليك شهود..

ولو قالولك مش عاشقه..
ح اكون حبيبه ومفارقه..
ودعت حبك وانا فكراك..
بعدك حياتى ماهيش فارقه..
وافضل أنا..
أخلص حبيبه