تعال احبك من جديد

تعالى أحبك من جديد..
ونعيش حكايه..
ملهاش نهايه..
نبدء فى حب يكون سعيد..
وتكون معايا..
من البدايه..
ماتروحش زى زمان بعيد..
نبدء سماح..
من غير جراح..
جرح الفراق بيكون غويط..
ننسى الآسيه..
وتحب فيا..
يعنى أتخلقنا من جديد..

تعالى نتعاهد بجد..
مايكونش بينى وبينك حد..
تبقى حياتنا..
مصيرها بأيدنا..
وتكون وشوشنا..
هيه مرايتنا..

تسألنى عن نفسك بنفسك..
تحكى وتسمعنى حسك..
حلو لما تشوف بنفسك..
شوق حبيب مشتاق يحسك..

تعالى واتحملنى ..
شوق..زعل..غضب..
مافيش خصام من غير سبب..
أسأل ودور ع السبب..
أهتمامك بيا..
علاج لاى آسيه..
وأحترامك صمتى..
يرد ليا كرامتى..
ونتفاهم بصدق وحب..
بحنيه وقلب لقلب..
بتضحيه..ودا مش صعب..

ونبقى انا وانت رجعنا هوى الايام..
عملنا بدايه تنفعنا كام سنه قدام..
كفايه خصام..
حبيبى حرام..

تعالى أحب فيك تانى بأى شروط..
تعالى واللى فات انسى انو كان موجود..
ونبدء فى غرام تانى مالوهش حدود..
تعالى احبك..ياللى حبك..
ف الدنيادى حياه أو موت..

» احبك بكل الاحرف الابجدية
» ديمو راجعين من جديد